Monday, May 4, 2009

നിനക്കൊരു കത്ത്

വിണ്ടു കീറിയ പാടങ്ങളും,
മണല്‍ തിളയ്ക്കുന്ന പുഴയും,
പൂരം കഴിഞ്ഞ അമ്പലങ്ങളും കടന്ന് ,
നിന്റെ നാട്ടിലേക്ക്.
കിതപ്പകലാനൊരു തണലു
തേടി അലഞ്ഞു തുടങ്ങിയിട്ട്
കാലമെത്ര.....
നമ്മള്‍ കണ്ടുമുട്ടിയ, നിലാവു
നിഴല് വിരിച്ച രാത്രികള്‍,
നിന്റെ ഈറനണിഞ്ഞ ചുണ്ടുകള്‍,
മാറിണകള്‍ക്കിടയിലെ വിയര്പ്പുതുള്ളികള്‍,
കൊലുസിന്റെ കൊഞ്ചലുകള്‍,
ഓര്‍മ്മകളുടെ ഓരങ്ങളില്‍
പായലുകള്‍ പോലെ... എല്ലാം…
എനിക്കറിയാം വാരിക്കൂട്ടിയാല്‍
നഷ്ടങ്ങളുടെ കണക്കുകള്‍ കൂടി തന്നെ.
ആകാശത്തു മിന്നി മറഞ്ഞ കൊള്ളിമീന്‍ പോലെ
എവിടേക്കണു നീ മാഞ്ഞു പോയതെന്നറിയില്ല.
എങ്കിലും ചൂടകലുമ്പോഴൊരു
പുതുമഴയുടെ കുളിരുപോലെ
ഒരിക്കല്‍ കൂടി കാണാനൊരു മോഹവുമായി,

നിന്റെ സ്വന്തം

9 comments:

ശ്രീകുമാര്‍ said...

"നിനക്കൊരു കത്ത്"

അരുണ്‍ കായംകുളം said...

നിന്റെ സ്വന്തം
???

കത്ത് ഇഷ്ടായി
നല്ല വരികള്‍

hAnLLaLaTh said...

..നല്ല വരികള്‍..

ഹരിശ്രീ said...

എങ്കിലും ചൂടകലുമ്പോഴൊരു
പുതുമഴയുടെ കുളിരുപോലെ
ഒരിക്കല്‍ കൂടി കാണാനൊരു മോഹവുമായി..
സുഹൃത്തേ, നന്നായിരിയ്ക്കുന്നു

:)

neeraja said...

വരിക ............................
പുതു മണ്ണിന്‍
ഗന്ധമറിഞ്ഞേറെനാളായ് !

ramaniga said...

മനോഹരം

Jayesh San said...

kollaam....

ക്യാമറക്കണ്ണുമായ് said...

ശ്രീകു..........കൊള്ളാടാ

Bigu said...

kollaam :)